Халкъыбызны тарыхы жашайды

Уллу жырчы уллу дунияны багъасыды, бетиди. Уллу жырчысы болгъан халкъ уллу, узакъ тарыхы да болгъан халкъды. Аны биле, къууанабыз. Аз халкъны ырысхысы да аз болуучусун эсге алсакъ, аны жыр жаны бла, хунерле жаны бла бир заманда кемлиги болмагъанды. Эшшиги, Омар ёмюрле бла айтыла келген жырланы айтады, алагъа неси ёмюрюню кюреш жолларын къоша эсе да! Аланы уа, ал буруннгу жырланы, Омар кибик жырчыла этгендиле, жашауну теренден кёре билген, уллу сермешлеге, батырлыкълагъа, къоргъашлыкъ шартлагъа шагъат болгъан, халкълары бла бирге аллай ишлеге, кеслери къатышхан закий адамла!

Жырла - уллу, узакъ тарыхны, миллетни ниет байлыгъына шагъатдыла деген заманыбызда. эсибизде ол турады, жырланы болгъан ишлеге аталып этилгенлери - юйле, тарыгъыула, ийнарла, айтышла, батырлыкъ жырла, тарых, жортууул жырла, нарт батырланы сёнгмез, унутулмаз жортуууллары...

Отарланы Омар, ауазы жетип, жыр хунери кёрюнюп, алгъа бир арбазны, ызы бла бир элни, андан сора халкъын, ахырында саулай дунияны аллында жырлап башлагъанлы хар таулуну, тюрк миллетден адамны жюреги учунуп, ёхтем болуп, ол инсан уллулукъну сезеди, сынайды.

Жырчы Омар дегенде, акъылман Кязим дегенча, закий Къайсын дегенча, халкъыбыз кесини къыйынлы тарыхында инсан уллулукъну, адамлыкъны бир заманда да кем этмей келген къадарында. Омар аны бары къыйынлыгъы ючюн Аллах берген саугъасыды деп мен алай къарайма. Азлыкъ, артыкълыкъ, юлюшсюзлюк, жер тарлыкъ не бек къыса, булчукларындан чёкдюре келген заманда да къабар къабыны, ичер сууунлай, таркъайгъанда да, халкъыбызны жыргъа тынгылар къудурети болгъанды. Аны бла къайгъыларын угъай эсенг, ачлыгъын окъуна унутургъа къолундан келгенди.

Бизни ёмюрюбюзде Омар эди халкъыбызгъа аллай къоргъашлыкъ этген, аны жырлары, сабыр адамлыгъы, таукеллиги, хар заманда бирча жашау, тиричиликге, адам акъылыны хорларыгъына ийнаннганлай къалыучу таулу асыллыгъы! Сейир тюйюлмюдю, XX ёмюрню арасында бир иш ахлусу таулу миллетни кюйсюз къадар аллай бир булгъагъанда, тюк-тюк, жик-жик этип, къум тюзлеге, таулагъа, жер-жерлеге чачханда, уруш отуна атханда, инсан чюйреликлени ёртенинде юйютгенде, аны жырчысы ол уллу къара булгъаныуну эм аллында - зулмучуну къара къалагъыны тюз да огъурсуз учунда болуп тургъаны?! Аны ючюн тюйюлмюдю бюгюнлкюде малкъар миллетни сау-эсен жашай эсе, тепсей эсе, жырлай эсе, сабан сюре эсе, юйле ишлей эсе, къызла-жашла ёсдюрюп, жангы юйюрле къурай эсе - аланы барысы ючюн бек алгъа анагъа, эмчек сютюн бир къара кюч да къуруталмагъан таулу тиширыугъа, ызы бла таулу жыргъа табу этгенибиз?

Ырхылада, боранлада, тал, акъ ётмекден тоюп, эсирик бола, сыйлы машиналада жюрюп, миллет бетибизни сансынмагъан кезиулерибизде окъуна ол ёмюрлюк уллу жырны - МИЛЛЕТНИ ЖАНЫН - аз да кем этмей, ол угъай эсенг, бютюн УЛЛУ, бютюн бай, бютюн жарыкъ эте келген Омар тюйюлмюдю? Жырны файгъамбары тюйюлмюдю ол?

Шукур болсун, жырчы Омарны бетинде халкъыбызны къууатлы бети кёрюнеди! Шукур болсун, Омар жырлагъан жырлада халкъыбызны тарыхы жашайды, халкъыбызны жолларын ханс басмай турады. Бюгюнлюкде жырларгъа сюйгенле, жыр фахмулары да болгъанла кёпден-кёп бола баргъанлары Омарча жырчыбыз болгъаныны, аны игилигини хайырынданды.

Омар жырлагъанда, аны халкъы жырлагъанды! Жырны башын бир зулмучу кесалмады! Иншаллах ёмюрледе да кесалмаз!

Къачан эсе да бизни халкъыбызны жеринде, тёрюнде жыргъа деменгили эсгертме салыныр деп ийнанама! Ол эсгертме Омар сыфатлы боллукъ сунама!

ТЁППЕЛАНЫ Алим 
филология илмуланы кандидаты
Заман.-2006.- 6 июнь

«Къараторгъа» нал салгъан Омар

«Къаратор» малкъар халкъ жырды. Аны мен Рахайланы Хажмат бла Зокаланы Шохайдан жазып алгъанма. Аны юсюнден 1993 жылда чыкъгъан «Голлу» деген китабымда да билдиргенме. Китап басмадан чыгъардан алгъа уа эжиуюн, макъамын да Шохай хазырлагъанча, ноталарын жаздырып, композиторубуз Байчеккуланы Абдиннге окъутама. Андан сора бу жыр радиода айтылып башланды.

Ол заманда радиода ишлеген Рахайланы Исмайылгъа: «Мен келтирген жырланы кимден, къайдан жазып алгъанымы жаза турсанг иги болур эди», - дейме. Ол а: «Жырла кёпдюле, аланы къайсы бирин тамамларыкъса», - деп къояды.

Отарланы Омар а, хар жангы эрттегили халкъ жыргъа, бек къууаныучу эди. «Къаратор» а Омарны кёлюне аллай бир терен киргени мени кёлюмю таулагъа жетдирген эди, бек къууаннган эдим. Алай бла, жырчы сау заманда, анга мен бир бёлек жырны айтып, эсине салгьан эдим.

«Думала», «Баян таш», «Атарал», «Ас-жаран-таш» деген эм дагъыда башхаланы композитор Аслан Дауровха тёрт жыл жюрюп, 160 жырны ноталагъа салдырып къолума алгъанымы да Омар уста биле эди. Халкъ жарларыбызны юсюнден аны бла кёп ушакъла бардырыучу эдик. Жыр искусствобузда уа, халкъ жырланы айтыуда эм сакьлауда, Отар улуну этген ишини магъанасын айтып ангылатхан окъуна бек къыйынды.

Айтхылыкъ жырчыбызны юсюнден алыкъа кёпле айтырла кеслерини энчи оюмларын. Алай мен а, анга атап, поэма жазгъанма да, бюгюн аны бир кесеги бла сизни шагъырей этерге сюе эдим.

«Омар дегеним!» Ачыкъ кюнню бутагъы, 
Келе-келип омакъ сёзню сурагъан.
Ёчюлмей турлукъду да аны ауазы?
Ёмюрлюкдю бу сыфаты къурагъан.
«Жырчы Омар», - дейле сени атынга.
Адамлыкъдан толу болгъан сыфатынг.-
Таулагъа къарап сен а жырлап тургъанса,
Эргезан ташдан алыннган къууатынг.
«Омар, эфенди!» - деучю эдим атынга,
Алан халкъ сюйюп къараучу бетинге.
Къарачайгъа бара-келе тургъанда?
«Кёп жашасын!» деучю эдиле ёзюнге.
Бир жол «Къараторну» жырлап къойгъанда,
Сени ауазынг халкъгъа терк жетди.
Бир ариу къыз кёз жашларын букъдурмай,
«Ёлюмсюздю Омарыбыз!», - деп айтды.
Ой, Омар, Омар дейле сени атынга,
Къараторгъа нал салгъан батыр улан.
Алан халкъы уа айтыр сени жырынгы,
Аны алай боллугъуна бир къууан!
Отарланы уа Омаргъа да жолукъ сен,
Бахсан бойнунда жыр айтханнга,
Кюн кетип, халкъны аузуна кьаратханнга,
Нёгерлени хорларларын кёргеннге.
Жырчылагъа мал бермейле, не этейик?
Арба чархха жау сюртмейле, кёрдюнгмю?
Арыгъан жолоучуну чакъыр Малкъаргъа,
«Къараторну» бир жырла, Омар, Мухолда.
Айгъа къарап къууаннган жырчы сен эдинг,
Жырчыланы ахшыларын сураученг.
Сууну агъыуунда да макъам излединг,
Тапсыз эжиу этгеннге да айтыученг.

Аслан Дауровну къатына чакъырып, кесим жыйышдыргъан халкъ жырланы сартындан да айта тургъанма. Бир жолда Аслан бла олтуруп, Омар лахор эте тургьанлай, кирип бардым да:
- Сен «Думаланы» жырын манга былайчыкъда айтып бераллыкъмыса? - деп, къадалып къалды.
- Нек айталмайма, жырлагъан окъуна этерме, - деп, жырлап башладым да: «Охо, хохой, ой-дамысан, ой!» - деп, Къайталаны Юсюп мени юйретгенлей, Омар кеси эжиуюн этди да: «Мен «Думаланы» жырламай къоймам, Аллах айтса», - деди.

- Сау кьаллыкъ, жырны ахырын экинчи да эшитир, Жаны-Бек жюрегиме кирип кьалды, - деп тиледи. Ол заманда Аслан а кюлдю да: «Алыкъа, Омар, сени къулагъынга чалынмагъан жырла да бар кёреме!»- деди.
- Къара сен анга! Бу арт заманлагъа дери жырланы жыйышдырыргъа бизни онгубуз окъуна болмагъанды, - деди да Омар «Думаланы» ахыр кесегине тынгыларгъа хазырланды.

«Думалада» ёсген эди Жаны-Бек, Къайталаны махтаулу кишилеринден бири.
Къайта улу Жаны-Бек арыса да, узун тартып: «Къаратор!» деп къычырды. Думалачы кьызланы эследи да, къарай кетип, сёлешмейин ышарды», - деп, мен алашаракъ ауаз бла окъугъанымы жаратмай:
- Узунуракъ тартып Жырла, маржа! - деди да, тырманчыкъ да этип манга, ахыргъы тёрт тизгинни:
«Думаланы къатына жыйылдыла,
Ас кишиле оноу-кенгеш, къурдула,
«Жаны-Бек, Къайта улу, айтчы сен?» - деп.
Акъыллыла бары бирден сордула»- деп кеси жырлады.

Жырны Къайталаны Юсюпден жазгъанымы, жыр иеси Мокъаланы Зантууду болгъанын да айтдым.
- Маржа деген сёз не магъанада жюрюгенди? Кесинг сагъындынг да аны ючюн айтама, - дедим, кеси да уллу харф бламы жазылады?

- Ол да Апсаты, Тейри, Суу анасы кибик бир къоруучуну атыды да, уллу харф бла жазылса, тюз болур эди, - деген Отар улу къолумдагъы таш майдалны кёзюне къарай кетип: «Тейри сен муну биргенге ансдан алып айлана болмазса. Не затды бу?», - деп сорду.

- Ол а бек магъаналы, уллу поэманы башыды. «Атарал» деген батыр, Ксаналаны тукъумну жаратхан кишини къолунда жюрюген хапар барды. Далхат жырлагъандан сора, жырны къагъытха уа мен тюшюргенме. Къарачай-малкъар халкъны Атарал кибик айтхылыкъ кишилери къолларында жюрютген таш-майдал ма буду!-деди да Аслан.

«Атарал кёп айланып арыгъанды, 
Къара-Тау аллында солугъанды.
Ариужан, къайдан чыкъдынг сен а бери?
Дегенди да, къатлап, сюйюп соргъанды».

Ол къ, гъ тауушланы да бузмагъанлай, жырлап къойду. Андан сора ол эки жырчы бла мен хазна сёлешалмадым. Жаннетли болсунла, ала, ол эки хурметли адам жарашдыргъан 160 жыр алыкъа китап болуп, алыкъа, кертиди, басмадан чыкъмагъанды. Омар сюйюучю «Къаратор» жыр, ол жырларгъа сукъланып къалгъан «Думала» эсиме тюшюп къалсала, кесими онгсузлугъумдан сунуп да къояма, бирде аны алайлыгъын.

«Кюн кете да, жыл оза, 
Къургъакъ жел юфкюргенлей.
Айда бугъуп къалмасын, 
Бизден ёпкелегенлей», - деп, Аллах болушса, бир жырда айтылыучусуча, ол китап да чыгъып къалыр эсе уа! Бизни тарыхыбызны ачыкълагъан буруннгулу халкъ жырларыбызны энчи китап этип басмаларгъа себеплик этерикле да табылырла деп ийнанама. Ол барыбызгьа да керекли, бек магъаналы ишди.

Таумырзаланы Далхат
Советская молодежь.-2005.-26 октябрь

Атынг халкъынг бла бирге жашарыкъды

Айтхылыкъ жырчыбыз Отарланы Омарны
асыраугъа аталгъан бушуулу митингде

Тюнене, 23-чю майда, Къулийланы Къайсын атлы Малкъар къырал драма театрны юйюню аплында майданнга адам сыйынып болмай эди. Былаайда республиканы шахарларындан бла районларындан, кёп эллеринден адамла бардыла. Къабарты-Малкъарны эм Къарачай-Черкесни халкъ артистин, айтхылыкъ малкъарлы жырчыны ахыр жолуна ашырырагъа КъМР-ни вице-президенти Геннадий Губин, Правительствону Председатели Чеченланы Хусейин, Парламентни Республика Советини Председатели Заурби Нахушев, Келечиле Советини Председатели Туменланы Мурадин, Правительствону Председателини заместители, КъМР-ни билим бериу эм илму министри Хаути Сохроков, Конституциялы Сюдню Председатели Геляхланы Абдуллах, «Малкъар ауазы» жамауат организацияны председатели, генерал-лейтенант Беппайланы Суфиян, Правительствону членлери, Парламентни депутатлары келгендиле.

Бушуулу митингни, Отарланы Омарны юсюнден бир ненча ариу сёз айтып, Нальчик шахарны администрациясыны башчысы, Омарны асырау жаны бла комиссияны председатели Хазретали Бердов ачханды. Нальчик шахарны иймамы Ахматланы Назир дууа тутдургъанды.

Андан сора КъМР-ни Правительствосуну Председатели Чеченланы Хусейин селешгенди.

- Бюгюн биз ол дуниягъа уллу адамыбызны ашырабыз, - дегенди ол,- Отарланы Омарны биз Кязим бла, Къайсын бла тенг этебиз. Ала поэзиябызны айнытыугъа къаллай бир къыйын салгъан эселе да, Омар культурабызны айнытыугъа аллай бир юлюш къошханды. Ол малкъар халкъны жыр сыфатын къурагъанды. Халкъы жашагъан къадарда, аны аты да жашарыкъды. Жаннетли бол, бизни сюйген Омарыбыз!
Сёз «Заман» газени баш редактору Атталаны Жамалгъа бериледи.

- Омар жырны закийи эди, дейди ол,- аны ёлгени барыбызгъа да айтып болмазча уллу бушууду. Музыка культурабызны бетин чыгъаргъан адамыбызны жюреги тохтагъанына ачыу этдик, ичибизден кюйдюк. Омар туумай къалгъан болса, малкъар халкъ жыр искусство жаны бла бек артха къалыр эди деп, бюгюн мени кёлюме алай келеди. Он жылла бла заман озса да, аны жырлары халкъыбызгъа эшитилгенлей турлукъдула.

Мечиланы Кязимни, Бекмурза Пачевни, Къулийланы Къайсынны, Алим Кешоковну, Алий Шогенцуковну, Отарланы Керимни эм республиканы башха белгили адамларыны атларыча. Отарланы Омарны аты да унутуллукъ тюйюлдю.

Жатхан жеринг кенг, жумушакъ бопсун!
Ол дуниянг жарыкъ болсун!

Аладан сора да бушуулу митингде КъМР-ни Композиторларыны союзуну председатели, Къырал филармонияны оркестрини баш режиссёру Борис Темирканов, Къарачай-Черкес Республиканы культура министрини заместители Ёзденланы Альберт, КъМР-ни басма эм информация министрини заместители Николай Ляпин, КъМР-ни Жазыучуларыны союзуну правленини председателини заместители Тёппеланы Алим сёлешгендиле. Ала бары да Отарланы Омарны жыр искусствода фахмусу бла бирге адамлыкъ даражасы да уллу болгъанын белгилегендиле.

Тукъумну атындан сёлешип Отарланы Хамит Омарны ахыр жолуна ашырыргъа келгенлени барына да ыспас этгенди.

Хазретали Бердов КъМР-ни Президенти В.М. Коков (кеси мында жокъду) Омарны юйюрюне эм жууукъларына къайгъы сёз айтдыргъанын билдиргенди.

Омарны ёлюгюн къабырлагъа элтирден алгъа, Ахматланы Назир хажи дууа тутдургъанды. Аны Вольный Ауулда асырагъандыла.

ТАУБИЙ улу А.
Заман.-2002.- 24 май

Халкъ жырлагъа жан сала

Орта кюн Эльбурс районну Къулийланы Къайсын атлы культура юйюнде КъМР-ни халкъ артисти Отарланы Омарны хурметине къуралгъан «Санга жырлайма жырымы, мени республикам!» деген концерт болгъанды. Бу байрамгъа Эльбрус, Черек, Чегем эм Прохладна районланы жырчылары къатышхандыла. Ол кюн бери Омарны къарындашы филология илмуланы доктору Отарланы Исмайыл, КъМР-ни халкъ поэти Зумакъулланы Танзиля, академик Апшаланы Магомет, РАН-ны КъМР-де Илму арасыны эм КъМР-ни Правительствосуну гуманитар тинтиуле институтуну директору Хасан Думанов, Культураны бла искусстволаны колледжини директору Владимир Молов, КъМР-ни Жазыучуларыны союзуну председатели Созайланы Ахмат, аны заместители Хачим Кауфов, Шёндюгюлю гуманитар академияны ректору Атабийланы Алий, поэтле Гуртуланы Салих, Бегийланы Абдуллах, Додуланы Аскер эм башхала келген эдиле.

Концертни республикалы радиону редакторлары Герийланы Асият бла Этчеланы Музафар бардыргъандыла. Ала сахнагъа Зумакъулланы Танзиляны, Хасан Думановну эм Эльбрус районну жер-жерли администрациясыны башчысыны заместители Отарланы Шамшудинни чакъыргъандыла. Гирхожанда туугъан Танзиля, бу байрамны къурагъанлагъа жюрегинден ыспас этип, «Жырчы Омар» деген назмусун окъугъанды. Отарланы Шамшудин а бери келгенлери ючюн къонакълагъа ыразылыгъын билдиргенди.

Ызы бла сёз РФ-ни сыйлы артисткасы Таукенланы Галинагъа берилген эди. Ол «Алийни жырын» эм «Дарман табылмайды» деген жырланы айтханды. Анга «Чегем чучхурла» той-оюн къауум эжиу этгенди. Кеслери энчи ала дагъыда «Шэджэрокъуэ» деген эрттегили къабарты халкъ жырны жырлагъандыла. КъМР-ни культурасыны сыйлы къуллукъчусу Улбашланы Азнор айтып, жыйылгъанла «Элия» деген халкъ жыргъа тынгылагъандыла.

Омар айтыучу жырланы жаш жырчыларыбыз жыр искусствону шёндюгю жорукъларына кёре тюрлендирип айтыучуларын барыбыз да иги билебиз. «Таулан» жырчы къауум да Отар улуну «Къолтугъунга киргенлейин барама» деген жырын ариу, тап келишдиргенин халкъ бек жаратхан эди. Тырнауузчу къыз Атмырзаланы Жанна да къонакълагъа кесини «Анама» деген жырын саугъа этгенди. Прохладна районну Солдатское станицасыны культура юйюню жырчы къаууму да бар эди концертде. Ала «А я - млада» эм «По гладким камушкам» деген орус халкъ жырланы айтхандыла.

Бу къууанчлы байрамгъа дагъыда халкъыбыз бек сюйген жаш жырчылары Тёппеланы Алим, Къазийланы Азнор, «Ийман» жыр къауум, Отарланы Омар атлы жыр конкурсну лауреатлары Мечиланы Сафар, Гайыланы Тахир эм Занкишиланы Марат да къатышхандыла. Концертни ахырында ары келген къонакъла, сахнагъа чыгъып, бу байрамны кереклисини эм Омарны жыр искусствогъа этген уллу къошумчулугъуну юсюнден кеслерини оюмларын айтхандыла. Апшаланы Магомет чертгенча, Омарны радиону фондундагъы жырлары кёпге сакъланыр ючюн, аланы жууукъ кезиуде шёндюгю технологияланы хайырланып, жангыдан жаздырыргъа керекди. Не ючюн дегенде, ол бизни халкъыбызны миллет культурасыны саулай бир энчи кесегиди.

Артта уа, битеу жырчыла, ары келгенле да, бир болуп, Отар улу бек сюйюп айтыучу «Минги тауну» жырлагъандыла.

ТАППАСХАНЛАНЫ Аминат.
Заман.- 2004.- 27 март

Творческие портреты

С песней по жизни

Приятный баритон народного артиста республики Омара Отарова вот уже около сорока пяти лет звучит в концертных залах и по радио, в сельских клубах и на телевидении. С большим чувством и душевным проникновением исполняет он историко-героические, трудовые, лирические и современные песни, и каждое его выступление пользуется успехом у слушателей, доставляя им истинное удовлетворение.

Небезынтересно проследить те пути и дороги, по которым он, один из ярких представителей балкарской народной песенно-музыкальной культуры, пришел в профессиональное искусство.

Омар Отаров родился в 1916 году в Баксанском ущелье, в маленьком селении Гирхожан, где ныне расположен город Тырныауз. Здесь по ущелью течет бурный Баксан - порождение ледников седого Эльбруса, охваченный с двух сторон высокими скалистыми горами. В маленькой сакле на склоне горы, у самой реки жила большая семья пастуха Магомета, состоявшая из отца, матери, четырех сыновей и четырех дочерей. Здесь и вырос будущий народный артист Омар Магометович Отаров.

В жизни каждого балкарца песня играла не только эстетическую роль, но и была непосредственно связана с его жизнедеятельностью, в первую очередь с трудом. Поэтому маленький Омар запомнил трудовые песни: «Долай» и «Эрирей».

С самого детства Омар любил музыку. Ему нравились народные мелодии, исполняемые чабанами на свирели, песни отца. Любил он и танцевальные мелодии, которые наигрывал старик-музыкант, в то время как окружающие его мужчины вели протяжные басы и хлопали в такт музыке, а девушки и парни танцевали искрометный «Тегерек тепсеу» и народный лирический танец «Абзех».

В кругу сверстников маленький Омар пытался изображать, как поют народные певцы или играют на свирели пастухи. И это у него получалось здорово.

Уже девятилетним мальчиком Омар стал посещать школу в Гирхожане. Учился он увлеченно, особенно любил уроки русского языка, географию и пение.

С большим воодушевлением пел Омар в школьном хоре во время праздников пролетарский гимн «Интернационал», переведенный тогда на балкарский язык известным партийным деятелем и просветителем Магометом Энеевым.

Когда Омар учился в старших классах, летом отец его брал в помощники на горные пастбища. Пасти скот в горных условиях было нелегко. Будущий певец познакомился там с трудностями и романтикой пастушьей жизни, с восхищением слушал вечерами у костра песни знатоков народного творчества. Репертуар пастухов состоял из старинных песен и наигрышей, исполнявшихся на свирели. Кроме того, они удивительно красиво играли пастушьи мелодии.

Особенно нравились ему старинные эпические песни. Он уже пел полюбившиеся народные песни в кругу друзей, на свадьбах, вечеринках. Позже он побывал с отцом в Балкарском, Хуламо-Безенгийском и Чегемском уще¬льях, ездил в Карачай и слушал народных певцов, перенимал их манеру исполнения народных песен, оттачивал и совершенствовал свое мастерство.

Слух о молодом певце вскоре стал распространяться в ущельях Балкарии. Он часто выступал на вечерах художественной самодеятельности в сельском клубе, а затем и на смотрах народных талантов в Нальчике. И везде ему сопутствовал успех.

В 1938 году Омар, к тому времени Ставший популярным певцом, переехал в Нальчик и поступил в Балкарский государственный хор (позже он был объединен с кабардинским хором). Омар Отаров стал в коллективе запевалой балкарских песен. Так он навсегда связал свою судьбу с музыкой и песней.

Хорошо помню первый концерт Кабардино-Балкарского хора, который состоялся летом 1939 года в актовом зале Ленинского учебного городка. Он прошел с огромным успехом, сопровождаемым праздничным настроем артистов и зрителей.

Омар Отаров запевал в этот замечательный вечер народную песню «Мисирбий» и веселую балкарскую хоровую песню «Голлу», которая до сих пор сохраняется в репертуаре Государственного ансамбля «Кабардинка» и хора Гостелерадио КБАССР.

Многие народные песни, в том числе широко популярные «Гапалау», «Песня о Султан-Хамиде», «Песня о Кирове», «Песня о Бекболате», и другие вошли в репертуар хора благодаря Омару Отарову, большому знатоку и собирателю народного творчества. Эти песни становились достоянием зарождающегося профессионального хорового искусства и возвращались к народу в новом качестве. Композиторы А. М. Авраамов, Т. К. Шейблер, художественный руководитель хора А. М. Покровский обрабатывали их для хора.

Омар Отаров не только помнит сотни народных песен, но и прекрасно их исполняет. От других певцов, тяготеющих к лирическому репертуару, его отличают своеобразный эпический стиль, умение выразительно доносить смысл песни, подчеркнуть особенности народной манеры исполнения. Он обладает характерным бархатным баритоном и прекрасной дикцией, умением прочувственно, с большой сердечностью исполнять народные песни. Эти качества снискали певцу широкую популярность не только в нашей республике, но и в Карачаево-Черкесии.

Вот что сказал об Омаре один из его поклонников, ударник коммунистического труда, закройщик Нальчикской кожгалантерейной фабрики, кавалер ордена Трудового Красного Знамени Азрет Кучмезов:
- Я и вся моя семья с большим удовольствием слушаем песни в исполнении Омара Отарова. Они всегда доходчивы и задушевны. Многие семьи, как и мы, имеют дома пластинки и магнитофонные записи народных песен, исполняемых Омаром, и на досуге слушают их. Омар Отаров - подлинно народный певец, поэтому его искусство очень близко и понятно нам.

За сорок с лишним лет творческой деятельности Омар Отаров был участником тысяч концертов для трудящихся республики и за ее пределами. Он успешно работал солистом хора Государственного ансамбля песни и танца КБАССР и более двадцати лет является солистом хора радио и телевидения. Заслуги его в развитии музыкального искусства республики отмечены в 1961 году Почетной грамотой Президиума Верховного Совета КБАССР, а в 1964 году - присвоением звания «Заслуженный артист КБАССР».

Отаров не только замечательный певец и собиратель балкарского песенного фольклора, но и композитор-мелодист. Он успешно работает над созданием новых, современных песен на стихи балкарских поэтов. Особенно популярны песни Омара «Знамя нашей жизни» на стихи К. Кулиева, «Жалоба горян¬ки» на стихи К. Мечиева, «Балкарская походная» и «Песня строителей» на слова Б. Гуртуева, «Марш комму¬нистического труда» на стихи К. Отарова, «Я знаю» и «Свадебная» на стихи И. Маммеева, «Песня девушки» на стихи С. Макитова, «Песня чабана» на стихи X. Кудаева и другие.

Недавно Президиум Верховного Совета КБАССР присвоил Омару Магометовичу Отарову почетное звание народного артиста республики. Это высокая оценка заслуг ветерана нашей национальной музыкальной культуры.

- Я очень тронут вниманием ко мне, - говорит Омар. - Большое спасибо руководству республики за высокую оценку моего труда, присвоение мне почетного звания «Народный артист КБАССР»! Это звание обязывает меня и в дальнейшем активно служить делу развития нашей культуры.

Пусть же твой голос, дорогой Омар, звучит еще сильнее и краше, принося людям только радость!

И. РАХАЕВ, 
заслуженный деятель искусств КБАССР.
КБП.- 1982.-26 окт.

Контакты

Напишите нам
assia big